Rate this item
(0 votes)

ዋቸሞ ዩኒቨረስቲ የታላቁ የኢትዮጵያ ህዳሴ ግድብ የዋንጫ ሽኝት ፕሮግራም በደማቅ ስነ-ስርዓት አከናወነ !

ዋቸሞ ዩኒቨርስቲ የመማር ማስተማር ስራውን በይፋ የጀመረበትን 6ኛ ዓመት ከታላቁ የኢትዮጵያ ህዳሴ ግድብ  ከተመሰረተበት 6ኛ ዓመት የክብር ዋንጫ ጋር ታጅቦ በደማቅ ስነ-ስርዓት መጋቢት14/07/09 ዓ.ም በዩኒቨርስቲው የስፖርት ማዘውተሪያ ስፍራ ባከበረበት ወቅት  “የታላቁ የኢትዮጵያ ህዳሴ ግድብ የቀደምት ኢትዮጵያዊያንን የዘመናት ቁጭት አዎንታዊ ምላሽ የሰጠ !”መሆኑን  የዩኒቨርስቲው ፕሬዝዳንት ዶ/ር ጣሰው ገብሬ ገልጸዋል፡፡

በፕሮግራሙ ላይ የተገኙት የዩኒቨርስቲው ፕሬዝዳንት ዶ/ር ጣሰው ገብሬ የታላቁ የኢትዮጵያ ህዳሴ ግድብ ከተመሰረተበት 6ኛ ዓመት ክብረ በዓል የሀድያ ዞን ዋንጫ አቀባበል ሽኝት  ከዩኒቨርስቲው ክብረ በዓል ጋር ታሪካዊ መገጣጠም ማሳየቱ  ለበዓሉ ልዩ ድምቀት የሰጠው መሆኑን ገልጸው ይህም ታሪካዊ ግጥምጥሞሽ  ለዩኒቨርስቲው በቀጣይ በመማር ማስተማር፣ በምርምርና ልማት እንዲሁም  በማህበረስብ አገልግሎት የተሰጠውን ሀገራዊ ተልዕኮዎች ከምንግዜውም በላይ በላቀ ደረጃ ለመፈጸም  ከፍተኛ የመነቃቃትን መንፍስን የሰጠ መሆኑን ለክብረ በዓሉ ታዳሚዎች  አስረድተው ዩኒቨረስቲው በመማር ማስተማር ፣በምርምርና ልማት እንዲሁም በማሰ/ብ አገልግሎት በ2020 በምስራቅ አፍሪካ የልህቀት ማዕከል የመሆንን ራዕይ አንግቦ በከፍተኛ ሁኔታ እየተንቀሳቀሰ ሲሆን በያዝነው አመት 12400 ተማሪዎችን በመደበኛና በተከታታይ መርሀ ግብሮች በዋናው ካምፓስና በዱራሜ ካምፓሶች ተቀብሎ ጥራት ያለው ትምህርት በመስጠት  ብቁ ፣ተወዳዳሪና በዓለም አቀፍ ደረጃ ተመራጭ የሆኑ ዜጎችን ለማፍራት በከፍተኛ ጥረት ላይ ሲሆን በሶስት የት/ርት ዓይነቶች የድህረ ምረቃ ትምህርት  ፣የቀድሞ ሆሳዕና የአሁኑ ንግስት እሌኒ ሆስፒታል ተረክቦ ከፍተኛ የህሙማንን አገልግሎት መሻሻልን ከመማር ማስተማሩ ጎን ለጎን ማምጣቱ፣የተለያዩ በአግሮ ኢንደስትሪ ልማትና ልዩ ልዩ ምርምሮች ላይ እንዲሁም ዘርፈ ብዙ የማህበረሰብ አገልግሎቶችን ማጠናከሩ ላነገበው ራዕይ መሳካት ማሳያ እንደሚሆን አብራርተዋል፡፡

ፕሬዝደንቱ አክለውም የታላቁ የኢትዮጵያ ህዳሴ ግድብ የቀደምት ኢትዮጵያዊያንን የዘመናት ቁጭት አዎንታዊ ምላሽ የሰጠ ነው ከማለታቸውም በላይ ዩኒቨርስቲው የግድቡ መሰረተ ድንጋይ ተጥሎ  ስራው ከተጀመረነት ግዜ አንስቶ የራሱን አስተዋጾ እያበረከተ የነበረ ሲሆን የታላቁ የኢትዮጵያ ህዳሴ ግድብ  6ኛ ዓመት ክብረ በዓል  የክብር ዋንጫ ዩኒቨርስቲው ወደ ከተመበት የሀድያ ዞን ርዕሰ ከተማ ለምለሚቷ ሆሳዕና መምጣቱን ተከትሎ የዩኒቨርስቲው ማ/ሰብ መምህራንና የአስተዳደር ሰራተኞች በድጋሚ የአንድ ወር ደሞዛቸውን ለታላቁ የኢትዮጵያ ህዳሴ ግድብ  መስዋት ለማድረግ ቃል መግባታቸውን ገልጸዋል፡፡

ይህ በእንዲ እንዳለም የበዓሉ የክብር እንግዳ የሀድያ ዞን ዋና አስተዳዳሪ አቶ ስንታየሁ ወ/ሚካኤል ታላቁ የኢትዮጵያ ህዳሴ ግድብ  በታሪክ ከምንታወስበት የአድዋ ድል ባልተናነሰ የኢትዮጵያ ብሔር ብሔረሰቦችን አንድነት ከምንግዜውም በላይ ያጠናከረና የህዝብ ለህዝብ ትስስርንም እያጎለበተ እንዳለ ለክብረ በዓሉ ታዳሚዎች ያብራሩ ሲሆን የሀ/ዞ ፕሬዝዳንት አክለውም  የታላቁ የኢትዮጵያ ህዳሴ ግድብ  መሰረተ ድንጋይ ተጥሎ  ስራው ከተጀመረነት ግዜ አንስቶ የዞናችን ህ/ሰብ በቦንድ ግዥና የተለያዩ ስጦታዎችን በማበርከት አመርቂ ተሳትፎ የነበረው ሲሆን በባለፉት 6/ስድስት/  ዓመታት  ለታላቁ የኢትዮጵያ ህዳሴ ግድብ ልማታዊ ህዝቡ 196/አንድ መቶ ዘጠና ስድስት/ ሚሊየን ብር ማበርከቱን ገልጸዋል፡፡የታላቁ የኢትዮጵያ ህዳሴ ግድብ  6ኛ ዓመት ክብረ በዓል  የክብር ዋንጫ  ወደ   ዞኑ መምጣቱን ተከትሎ አሁን ላይ 115/አንድ መቶ አስራ አምስት / ሚሊየን ብር መሰብሰቡን ገልጸው የታላቁ የኢትዮጵያ ህዳሴ ግድብ የህብረተሰቡን የቁጠባ ባህልም በከፍተኛ ሁኔታ  እያሳደገው እንዳለ ለክብረ በዓሉ ታዳሚዎች  አሳውቀዋል ፡፡

በዚህ ደማቅ  የታላቁ የኢትዮጵያ ህዳሴ ግድብ ከተመሰረተ 6ኛ ዓመት ክብረ በዓል ዋንጫ አቀባበል ሽኝት  ላይ ዩኒቨርስቲው ከሀድያ ዞንና በዞኑ ካሉ ወረዳዎች ጋር የተለያየ ሽልማቶችን የተለዋወጠ በመሆኑ ግድቡ ከምንግዜውም በላይ የህዝቡን አንድነት  ያጠናከረና የህዝብ ለህዝብ ትስስርንም እያጎለበተ እና ለአንድ ሰንደቅ ዓላማ ጠንክሮ የመስራት ሁኔታን በመላው ሀገሪቱ እያስፋፋ እንዳለ ተመልክቷል፡፡

LET YOUR LIGHT SHINE IN THE SOCIETY!

ብርሃናችን በህብረተሰቡ ላይ ያንፀባርቅ !